Ссылки доступа

Путин кока-колани “турган-битгани химия” деб атаб, унинг ўрнига иван-чой ичишни таклиф қилди


Россия президенти Владимир Путин Москвада ўтказилган “Янги давр учун кучли ғоялар” форумида қилган чиқишида “яқин соатларда” қишлоқ хўжалиги вазири Дмитрий Патрушевга иван-чой ичимлигини ишлаб чиқаришни ривожлантиришга оид фармойиш беришни ваъда қилди.

Бу таклиф Иван-чой ишлаб чиқарувчилар иттифоқи аъзоси Александр Хлиновдан чиққан. Путин иван-чой нималигидан бехабарлигини тан олган. “Бу қандайдир замбуруғми?” деб сўраган у, аммо айни чоғда бу ичимлик “турган-битгани кимё бўлмиш кока-коладан кўра анча фойдали” эканига ишонч билдирган.

Кока-кола ичимлигини ишлаб чиқарувчи шу номдаги ширкат Россия Украинага қарши уруш бошлаганидан сўнг мамлакат бозорини тарк этган.

Путин форумда нафақат иван-чой ҳақида, балки санкциялар Россиянинг Ғарбдан “технологик қарамлиги”ни енгиб ўтишига ёрдам бериши тўғрисида ҳам гапириб, Ғарбни экология учун курашдан манфаат қидиришда айблаган.

Россия президенти Ғарбда янграётган сув ва электр тежамкорлигига доир чақириқларни “телбалик” деб атар экан, яқинда унга Европада тарқалаётган бир суратни кўрсатишганини, суратда гўёки “Путинни аччиқлантириш учун” одамларга баданнинг атиги тўрт жойини ювиш тавсия қилинганини айтган.

XS
SM
MD
LG