Фармонда савдо-кўнгилочар марказлар, кинотеатрлар, маиший хизмат кўрсатиш марказлари, автовокзаллар, ёпиқ бозорлар, жамоат транспортида ниқоб тақиш тавсия этилади.
Шунингдек, ҳомиладор аёлларни, COVID-19 га қарши эмлашга мутлақ қарши кўрсатмаларга эга бўлган ва COVID-19 билан касалланган беморлар билан яқин алоқада бўлган ходимларни масофавий иш форматига ўтказиш тавсия этилади.
Бугунги кунда республика пойтахти коронавирус тарқалиши бўйича «сариқ» ҳудудда. Қолган барча республика аҳамиятга эга шаҳарлар ва вилоятлар «яшил» зонага киритилган. Ўтган ҳафта Олмаота «сариқ» ҳудудга киритилган эди. Кейин маҳаллий ҳокимият аҳолига ёпиқ муассасаларда, жамоат транспортида ниқоб кийишни тавсия қилди.
Қозоғистонда эпидемиологик вазият ёмонлашгани ҳақидаги хабарлар июнь охиридан бошлаб кела бошлади. Бунгача, март ойидан июнь ойининг охиригача Қозоғистонда ҳар куни 100 дан кам коронавирус инфекцияси қайд этилган эди.
Қозоғистон Соғлиқни сақлаш вазирлиги маълумотларига кўра, 22 июль ҳолатига кўра, ўтган сутка давомида мамлакатда 2480 та янги коронавирус инфекцияси қайд этилган. Улардан: пойтахтда - 796, Олмаотада - 722, Қарағанда вилоятида - 165.
Бугунги кунга қадар 14 026 киши коронавирусдан даволанишни давом эттирмоқда. Қозоғистонда пандемия бошланган 2020 йилдан буён жами 1 326 190 та ҳолат тасдиқланган.