Ссылки доступа

Дар Қирғизистон дар як соли охир 37 мактаби нав сохтанд


Теъдоди мактабҳо дар Қирғизистон дар соли хониши 2021-2022 дар қиёс бо соли гузашта 37 адад афзуда, аз 2296 ба 2333 расидааст. Дар ин бора вазири маориф ва илми он кишвар Алмосбек Бейшеналиев рӯзи 25 июл хабар дод.

Вай илова кард, ки норасоии мактабҳо ҳамоно мушоҳида мешавад, зеро теъдоди хонандагон меафзояд. Соли хониши гузашта якбора 50 ҳазор хонанда афзудааст. Соли гузашта дар мактабҳои Қирғизистон 1 млн 357 ҳазору 408 кӯдак таҳсил кардааст, ки соли ҷорӣ теъдодадош ба 1 млн 407 ҳазору 347 расидааст.

"Дар Қирғизистон 245 мактаб дар ҳолати садамавӣ қарор дорад ва 498 мактаб ба таъмири куллӣ ниёз дорад", - гуфт вазир.

Ба гуфтаи вай, теъдоди муассисаҳои томактабӣ низ дар Қирғизистон афзудааст. Дар як соли охир 64 боғчаи нав таъсис шуда, 4 ҳазор кӯдакро фаро гирифтааст.

XS
SM
MD
LG