Қирғизистон Республикаси Ташқи ишлар вазирлиги матбуот хизмати хабарига кўра, суҳбат чоғида икки давлат ўртасидаги транспорт-логистика ҳамкорлигини кенгайтириш масалалари, хусусан, Хитой-Қирғизистон-Ўзбекистон темир йўли қурилиши лойиҳаси муҳокама қилинди. Суҳбат давомида шунингдек, бу борадаги ҳамкорликни янада ривожлантириш бўйича биргаликдаги саъй-ҳаракатларни фаоллаштириш зарурлигини таъкидланди.
Шунингдек, «Уч-Қўрғон-Дароот-Қўрғон» автомобиль йўлини қуриш ва Қоракўл-Тошкент-Қоракўл халқаро автобус йўналишини очиш лойиҳаси кўриб чиқилди. Икки давлат ўртасидаги йўналишларни қайта тиклаш масаласига келсак, “Тошкент – Балиқчи” йўловчи поездларини қайта йўлга қўйиш, “Ўш – Андижон” ва “Қизил-Қия–Фарғона” йўналишларида мунтазам автобус қатновларини қайтариш таклиф этилди.
Шунингдек, ёзги сайёҳлик мавсумида “Тошкент – Томчи” йўналиши бўйича чартер рейсларини ташкил этиш масаласи ҳам кўтарилди. Суҳюат якунида Муса Жаманбоев “Ўш – Тошкент – Ўш” йўналишида ҳаво қатновини очиш ва “Самарқанд – Томчи – Самарқанд” янги транспорт йўналишини ташкил этиш имкониятларини кўриб чиқишни таклиф қилди.