Бу ҳақдаги қарорни 5 июль куни шаҳар прокуратураси махсус прокурорлар билан ишлаш бўлими бошлиғи Нуржан Кўлбоев чиқарган. 20 июль куни Чимкент прокурори ўринбосари Ержан Марат ҳужжатни маъқуллаб, 25 июль куни аввал айбланган фуқароларга топширди.
Қарорда айтилишича, 69 айбланувчидан 58 нафарига “Оммавий тартибсизликлар” моддаси бўйича ҳукм чиқарилган. Яна тўққиз нафар шахснинг иши дастлабки тергов босқичида, бир нафар гумонланувчининг иши шаҳар прокуратурасида. Яна 27 киши гумондор деб топилиб, тергов ҳаракатлари якунланишини кутмоқда.
Маълум қилинишича, январь воқеалари бўйича 21 та иш (Кўрме маркази ва шаҳар ҳокимлиги жабрланувчи деб топилган) тинчлик келишувига эришилгани, етказилган зарарнинг ўрнини қоплаш, “айбдорлигини тан олиш”, фаол пушаймонлик туфайли тугатилган. 21 кишининг энг ёши каттаси 46 ёшда, энг кичиги 20 ёшда.
Чимкентда 4 январда тинч йўл билан оммавий норозилик намойишлари бошланди. Расмийларнинг айтишича, тартибсизликлар пайтида 20 киши ҳалок бўлган. Уларнинг энг ёши каттаси 37 ёшда, энг кичиги 17 ёшда эди.
Чимкент соғлиқни сақлаш бошқармаси 125 киши жабрланганини маълум қилди. Чимкент прокуратураси маълумотларига кўра, ярадорлар сони 200 дан ортиқ, шундан 72 киши ўқ жароҳати олган.