"Ойын қызметі лицензиясының ақысын белгілеу туралы" қаулы жобасы қырғыз үкіметінің сайтында жарияланды.
Ойынхана, онлайн-ойынхана және электронды (виртуал) ойынхананы республикалық маңызы бар қалаларда (Бішкек пен Ош) ашуға рұқсат беретін лицензия 84 млн сом (1 млн доллардан асады) тұрады. Дәл осы ойын мекемелерін Ош, Шу және Жалал-Абад облыстарында ашуға қазжетті лицензия үшін 42 млн сом, ал Баткен, Нарын, Ыстық-Көл және Талас облыстары үшін - 25 млн 200 мың сом төлеу керек.
Ойын автоматтарына арналған зал лицензиясы 42 млн сом, букмекер кеңселері мен тотализаторлар – 10,5 млн сом тұрады.
Биыл маусым айының аяғында Жогорку Кенеш ойынхана қызметін заңдастыру туралы заң жобасын қабылдады. Оған наразы тұрғындар Бішкек қаласында акция ұйымдастырып, президент Садыр Жапаровқа үндеу жолдады. 1 шілдеде мемлекет басшысы заңға қол қойғаны мәлім болды.
Заң Қырғызстан азаматтарына және 21 жасқа толмаған шетел азаматтарына ойын мекемелеріне кіруге тыйым салады.