Ссылки доступа

Додситон: Ду занро дар Деваштич "бо бераҳмии махсус" куштаанд (гулчин)


Ба расонаҳои минтақа ҳақ дода мешавад, ки аз ин матлабҳо ба сурати комил ва ё ҷузъӣ истифода кунанд. Бо дархости муштариён метавонем ба онҳо шакли аслии наворҳои видеоиро фиристем. Онҳо, инчунин, метавонанд матлаби дилхоҳи худро аз махзани Директ истифода кунанд.

- Додситон: Ду занро дар Деваштич "бо бераҳмии махсус" куштаанд. (видео)

- Ҳалима Дурманова гуфт, ки чӣ рӯзгор дорад. Ҳалима Дурманова, сокини 66-солаи шаҳри Бохтар, мегӯяд, беш аз 30 сол боз дар маркази вилояти Хатлон кӯчаву ҳавлӣ мерӯбад, вале зиндагии серу пурро надидааст. Ин дар ҳолест, ки аксаран тавассути телевизионҳои Тоҷикистон чеҳраҳои хандону хилъатҳои тобон ва қаноатмандии кӯчарубонро нишон медиҳанд. ​ (видео)

- ​Садҳо кас дар Суғд ба заршӯйӣ пардохтаанд.​ Ҳукумати Суғд мегӯяд, бо қонунӣ шудани заршӯйӣ тақрибан 3,5 ҳазор сокини деҳаҳои дурдасту кӯҳӣ барои худ кор ёфтаанд. Соли 2019 ба мардум иҷоза шуд, ки дар соҳили рӯдҳо заршӯйӣ кунанд ва тилову филизоти дигари гаронбаҳо ба даст биоранд. (видео)

-"Аз бедор шудан метарсам: метарсам, ки дубора дар зиндон меафтам". Сокини 18-солаи Алмато нақл кард, ки дар ҳодисаҳои моҳи январ чи гуна ӯро боздошт ва шиканҷа карданд (видео)

- Тоҷикистон ба "биткоинсозӣ" иҷоза надод. Ҳукумати Тоҷикистон мегӯяд, қонунгузории кишвар фаъолияти ширкатҳои ба истилоҳ "истихроҷкунандаи пули рақамӣ"-ро иҷозат надодааст. Аз ин рӯ, як ширкат, ки мехост биткоин тавлид кунад, фаъолияташро қатъ кард (видео)

- Захираи дусолаи ғизо. Мақомоту мардум чӣ мегӯянд?​ Бо вуҷуди онки баъзе аз сокинон мегӯянд, дар шароити бад зиндагӣ доранду барои рӯзгузаронӣ пул намеёбанд, президенти Тоҷикистон ҳар дафъа дар бораи захираи дусолаи ғизо гӯшзад мекунад. Дар Кумитаи бехатарии озуқаворӣ гуфтанд, “манзур захираи ғаллаву шолист” (видео)

- ​Мақомот гуфтанд, чаро монеи овардани "Қуръон" шуданд. ​Раиси Кумитаи дин, танзими анъана ва ҷашну маросими миллӣ сабаби роҳ надодани 13 тонна китоби "Қуръон"-ро аз Афғонистон ба Тоҷикистон шарҳ дод. Сулаймон Давлатзода рӯзи 25-уми июл дар Душанбе гуфт, “ин миқдор китоб пеш аз вуруд аз санҷиш нагузашта буд” (видео)

- Тоҷикистон шакарро аз Ҳинду Покистон меорад.

Дар пайи ҷанги давомдори Русия дар Украина, Душанбе водор шудааст, масири овардани шакарро дигар кунад. Пештар Русия ва Украина аз таъминкунандаҳои асосии шакар дар Тоҷикистон буданд, Ҳоло як бахши ин ҷойро Ҳинду Покистон гирифтаанд, вале мардум аз саифати он норозиянд (видео)

- Таҳқиқи қатли ду зан дар Идораи замини Деваштич.
Мақомоти интизомӣ дар Деваштич (Ғончии собиқ) қатли ду зани фаррошро дар Идораи замини ноҳия таҳқиқ доранд. То кунун ду гумонбар дастгир шуда, аммо ангезаи он маълум нест. Мақомот чизе намегӯянд. Пайвандони занон тахмини худро доранд ва муҷозоти гунаҳкоронро мехоҳанд (видео)

- Баҳси Палата ва "Амонатбонк" бар сари 200 млн. сомонӣ.
Намояндагони Палатаи ҳисоб дар "Амонатбонк" беш аз 200 миллион сомонӣ “камбуди молӣ” ёфтаанд, аммо аз он нигаронанд, ки “масъала пурра ҳал нашудааст”. Раҳбарияти “Амонатбонк” гуфтанд, мушкил бо гуноҳи муштариёне сар зад, ки қарз гирифта, сари вақт барнагардонданд (видео)

- Сокинони наздики шаҳри Бишкек бе оби ошомиданӣ монданд ​(видео Настоящее время)

- "Зарбаи сутунмуҳра аз чаҳор ҷой. Вақте маро заданд - қариб буд мемурдам". Самат Нурмуханов, сокини Алмато 45 сол дорад (видео)

КОРМАНДОНИ МУҲТАРАМИ РАСОНАҲО! БО ҲАЗОРОН НАВОРИ САДОВУ ВИДЕО, АЗ ҶУМЛА, ШАКЛИ АСЛИИ САДОВУ ВИДЕОҲО БО ЗАБОНИ ТОҶИКӢ, КИ БАРОИ ЗАХИРА КАРДАНИ КОРШАРИКОН ДАСТРАС ҲАСТАНД, ОШНО ШАВЕД!

XS
SM
MD
LG