Ссылки доступа

Өзбекстан азық-түліктің шамамен 40 пайызын Қазақстаннан алады


Биылғы алты айда Өзбекстан шетелден келетін азық-түлік тауарларынының 37,9 пайызын Қазақстаннан алған. Бұл туралы өзбек статистика жөніндегі комитеті хабарлады.

БҰҰ Азық-түлік және ауыл шаруашылығы ұйымының мәліметінше, Өзбекстан ішкі нарықтағы астық сұранысының 35 пайызын шетелден импорттайды. Оның басым бөлігі Қазақстаннан келеді.

Қазақстан ауыл шаруашылығы министрлігі, Ресейдің Украинаға қарсы соғысы кесірінен туындаған астық тапшылығына байланысты, 15 сәуірден бастап астық пен ұн экспортын үш айға, яғни 1 млн тоннадан 300 мың тоннаға дейін шектеді.

Бұл уақытта Өзбекстан үкіметі азық-түлік қауіпсіздігін қамтамасыз ету үшін шетелден 600 мың тонна астып сатып алатынын жариялаған.

4 сәуірде Ташкент Қазақстаннан сәуір-шілде айлары аралығында 100 мың тонна астық сатып алатынын хабарлады.

Мемлекеттік статистика жөніндегі комитеттің мәліметінше, шетелден әкелінетін азық-түліктің 25,6 пайызы Ресейден, 11,9 пайызы Бразилиядан, 4,3 пайызы Беларусьтан, 2,9 пайызы Пәкістаннан және 17,4 пайызы басқа да елдерден түседі.

Өзбекстан биыл қаңтар-маусым айларында 821 мың тонна жеміс-жидек пен көкөністі 450 миллион долларға шетелге сатқан, яғни экспорт былтырғы көрсеткішпен салыстырғанда 104 мың тоннаға артқан.

XS
SM
MD
LG