Вазирлик қайдича, “Ўзбекистон миллий электр тармоқлари” АЖ билан Da Afghanistan Breshna Sherkat ширкати ўртасида тузилган шартномага мувофиқ, Ўзбекистон жорий йилда 2 210,0 млн кВт/соат электр энергияси етказиб бериши керак, биринчи ярим йилликда қўшни давлатнинг электр энергиясига бўлган талаб ва эҳтиёжидан келиб чиққан ҳолда, Афғонистонга 770,2 млн кВт/соат электр энергияси етказиб берилган.
“Бугунги кунда етказиб берилган электр энергияси учун тўловларни компания томонидан доимий равишда амалга оширилмоқда”, дейилган вазирлик хабарномасида ёзги мавсумда Афғонистон Тожикистон энергетика тизимига уланиши сабабли жорий йил 14 апрелидан Ўзбекистондан электр энергиясини қабул қилиш тўхтаганини қўшимча қилинган.
Жорий йилнинг май ойида Афғонистон Энергетика ва сув заҳиралари вазирлиги вакили Ахтар Муҳаммад Нусрат мамлакат Ўзбекистон ва Тожикистондан сотиб олинаётган электр энергияси учун камида 100 миллион доллар қарз бўлиб қолганини билдириб, буни Украинадаги уруш туфайли Марказий Осиё банкларига пул ўтказишда муаммолар юзага келгани билан изоҳлаган эди.
Ўзбекистон Энергетика вазирлиги 1 августдаги хабарномасида мазкур муаммо қандай ҳал этилганига тўхталган эмас.