Ссылки доступа

Мутахассисони чинӣ барои таҳияи лоиҳаи роҳи оҳани Чин-Қирғизистон-Узбекистон ба Қирғизистон омаданд


Ҳаштод мутахассиси донишкадаи лоиҳакашии Чин вориди Қирғизистон шуда, ба омодасоии асоснокгардонии техникиву иқтисодии роҳи оҳани Чин-Қирғизистон-Узбекистон шуруъ кардаанд.

Дар ин бора аз вазорати нақлиёт ва иртибототи Қирғизистон хабар доданд.

Дар вазорат гуфтанд, ки роҳбарияти Қирғизистон ҳадаф доранд, тарҳ ҳарчи зудтар амалӣ шавад, ба ин далел вазорати нақлиёт талош дорад, асоснокгардонии иқтисодиву техникӣ зудтар анҷом шавад.

Ахиран иҷрокунандаи вазиваи вазири корҳои хориҷии Узбекистон Владимир Норов гуфт, дар саммити Созмони ҳамкориҳои Шанхай рӯзҳои 15-16 сентябр дар Самарқанд санади сеҷонидаи сохтмони роҳи оҳани Чин-Қирғизистон-Узбекистон имзо хоҳад шуд.

Ташаббуси сохтмони роҳи оҳани Чин-Қирғизистон-Узбекистон ҳанӯз ибтидои солҳои 2000-ум эълом шуда буд, аммо то ин замон тарҳ амалӣ нашудааст.

XS
SM
MD
LG