Уларнинг сўзларига кўра, маҳаллий ҳокимият уларни тўхтатишга ҳаракат қилган.
Январь воқеалари чоғида 18 ёшли ўғли отиб ўлдирилган Бахитжон Шингисбековнинг Озодликка айтишича, гуруҳ 10 августга ўтар кечаси йўлга чиққан, бироқ полиция уларнинг машиналарини тўхтатган.
- Кечадан бошлаб тўсиқлар давом этмоқда. Биз такси ёлладик, у ерга автобусда боришга ҳаракат қилдик. Автобус 500 метр юриб, бизни тушириб юборди. Эҳтимол, қўнғироқ бўлгандир. Такси тўхтатилди ва жаримага тортилди. Энди юраяпмиз”, деди у 10 август куни Озодлик билан суҳбатда.
Чоршанба куни тушдан кейин гуруҳ йўлнинг Тараздан 60 километр узоқликдаги Ақиртўбе қишлоғи яқинидаги қисмида бўлган. Жорий жойлашув ҳақидаги маълумотлар ҳали ҳам номаълум, йўлнинг баъзи қисмларида алоқа яхши ишламаяпти.
Гуруҳ ўз юришини “Адолат талаб қилувчилар марши” (“Адилдик талап эткендерлар”) деб атаган. Пиёдалар орасида январь ойида вафот этган Ержан Байжановнинг онаси Нигора Закаряева, шунингдек, январь ойида вафот этган Токтар Ошакбайнинг онаси Жамила Раҳимбекова, болалари қамоқда сақланаётган Гаухар ва Света исмли аёллар ҳам бор.
Ота-оналарнинг айтишича, ҳокимият уларга турли ваъдалар берган, аммо уланинг сабри етмаган.
Озодлик мухбири изоҳ олиш учун Жамбил вилояти ҳокимлигига мурожаат қилди. Янгилик эълон қилинган пайтда ҳеч қандай жавоб олинмаган.
11—14 июль кунлари Ақтўбе, Олмаота, Уст-Каменогорск, Тараз ва Чимкент шаҳарларидан келган, январь воқеаларида яқинларини йўқотган ўндан ортиқ одам тунни Акорда олдида тунаб, ҳалок бўлганларни реабилитация қилишни талаб қилди. 14 июль куни Оқорда яқинида турли вилоятлардан пойтахтга келган одамлар қўлга олинди. Кейинроқ улар билан ҳокимлик ва прокурорлар вакиллари учрашди. Намойишчилар, агар уларнинг талаблари инобатга олинмаса, қайта йиғилиш ниятида эканликларини айтишди.