Ссылки доступа

Өзбекстанда шетелде соғысқа қатысқандарды азаматтығынан айыруды ұсынды 


Алишер Кадыров

Өзбекстан парламентінің Олий Мажлис спикерінің орынбасары, "Миллий тикланиш" («Ұлттық жаңғыру») партиясының лидері Алишер Кадыров шетелде өзге елдің мүддесі үшін соғысқа қатысқандарға қатаң шара қолдануды ұсынды. 

Кадыровтың сөзінше, оларды қылмыстық жауапкершілікке тарту аз.

"Шетелдің мүддесі үшін соғысқа қатысқандарды Өзбекстанға кіруге тыйым салып, азаматтығынан айыру керек", - деді Кадыров.

Осының алдында Ресейдің “Пермь аймағындағы Орталық Азия өзбектері қоғамы" лидері Жахонгир Жалоловтың Украинадағы соғысқа қатысу үшін Темірлан атындағы батальон құруды ұсынған. Оның видео үндеуін Vetta телеканалы жариялады.

"Біздің балалар балабақшаға барады, мектептерде және университеттерде білім алады. Біз Ресейде тұрып, жұмыс істеп жатырмыз. Біз жеген нанды ақтауға міндеттіміз. Ерікті батальон құрып, оны Әмір Темір [Темірлан] деп атауды сұраймын", - деген үндеуінде Жалолов.

Осыдан кейін Мәскеудегі Өзбекстан елшілігі шетелде ерікті батальонын құрып, бөтен аумақта соғысқа қатысқан азаматтары қылмыстық жауапкершілікке тартылатынын ескерткен.

XS
SM
MD
LG