Ссылки доступа

Вакили мудофеъ: вазъи сиҳатии президенти пешини Қирғизистон бад шудааст


Вазъи сиҳатии Алмосбек Отамбоев, президенти пешини Қирғизистон дар зиндон бад шудааст. Дар ин бора Замир Жоошев, вакили мудофеи вай хабар дод.

"Се рӯз пеш ман аз Хадамоти иҷрои ҷазо дархост карда будам, ки ба Отамбоев иҷозаи сафари табобатӣ ба Русияро диҳад. Ташхиси бемории Отамбоев дар Русия имконпарзир аст. Ҳамкори ман Отамбоевро дар зиндон дид, вазъаш хеле бад аст: хеле лоғар шудааст, фишораш ба 60/80 расидааст. Агар табобат нагирад, мумкин аст, оқибати нохуше сар занад", - гуфт Жоошев.

Отамбоев дар асоси чанд парванда гумонбар дониста мешавад. Дар доираи парванди озодсозии ғайриқонунии соҳибнуфузи ҷиноӣ аз зиндон Азиз Батукаев, Отамбоевро 11 сол зиндонӣ кардаанд.

XS
SM
MD
LG