Ссылки доступа

Қырғызстан мен Тәжікстан шекараны бекіту мәселесін қайта қолға алды 


Қырғызстанның Тәжікстандағы елшісі Ерлан Абдылдаев осы елдің Жер мәселесі және геодезия жөніндегі комитеттің төрағасы Ориф Ашури Хожазодамен Душанбеде кездескен.  

Бұл жөнінде Қырғызстанның сыртқы істер министрлігі хабарлады.

Тараптар қырғыз-тәжік мемлекеттік шекарасын делимитациялау және демаркациялау бойынша Қырғызстан мен Тәжікстанның үкіметтік делегацияларының топографиялық жұмыс топтарының жұмысын талқылаған.

Онда Абдылдаев Қырғызстан 21 шілдеде Шолпан ата қаласында екі елдің мемлекет басшыларының шекара мәселесі бойынша келісімдері негізінде жұмыс істеуге дайын екенін жеткізген.

Екі ел арасында былтырғы оқиғадан бері 82 шақырым жер тілімі келісілген екен.

2021 жылдың сәуір айында қырғыз-тәжік шекарасында қанды оқиға орын алып, Қырғызстаннан 36 азаматы қайтыс болып, 154-і жарақат алса, Тәжікстаннан 19 адам көз жұмып, 87-сі зардап шеккен.

Қырғызстан мен Тәжікстан арасында жалпы 972 шақырым жер бар. Оның 664 шақырымы бойынша екі ел өзара шешімге келген.

XS
SM
MD
LG