Ссылки доступа

Тажикстанда белгилүү спортчунун уулу досун 16 жолу бычак сайып өлтүргөн


Саидахмад Рахимов кылмыш болгон жерде. Тажикстан ИИМинин басма сөз кызматы тарткан сүрөт

Тажикстанда Душанбенин 23 жаштагы тургунунун өлүмүнө белгилүү тажик спортчусу Саидмумин Рахимовдун уулу шектелип жатат. Бул тууралуу өлкөнүн Ички иштер министрлиги (ИИМ) билдирди.

Мекеменин маалыматына караганда, 1975-жылы Минск шаарында өткөн самбо боюнча дүйнө биринчилигинде алтын медаль уткан Саидмумин Рахимовдун уулу Саидахмад Рахимов досу жана классташы Мухаммаджовид Зокирзоданы өлтүргөн деп шектелүүдө. Күн мурун мамлекеттик телеканалдар ИИМдин басма сөз кызматы даярдаган видеосюжетти көрсөтүштү. Анда колу кишенделген Рахимов досун кантип өлтүргөнүн көрсөтүп берип жатканы тартылган.

Маркум Зокирзоданын апасы Матлуба Ганиеванын айтымында, Саидахмад анын уулуна 3 400 доллар карыз болчу.

"5-августта уулум Түркияга учуп кетиши керек болчу. Биз аны менен коштошуп, узатканбыз. Ага чейин уулум досу менен телефондо сүйлөшүп, "Акчаны бере албасаң ошентип эле айт" дегенин угуп калгам. Досу акчаны кайнатаман алып берем деп ээрчитип кетиптир. Көрсө ал карызды бергиси келген эмес экен, уулума 16 жолу бычак сайып өлтүрүп койгон", – деди маркумдун апасы.

Ал уулунун каза болгонуна он күндөн ашса да Рахимовдун туугандарынан эч ким келип кечирим сурап койбогонун кошумчалады.

Шектүү Саидахмад Рахимов Тажикстан ИИМинин академиясын бүтүргөн. Жакындары ал жакшы тарбия алганын айтып, мындай ишке барганына ишене албай тургандыктарын билдиришти.

Видео

Видео

- Ош - Изник: 45 күндө беш өлкөдөн өткөн ардагер
пожалуйста, подождите

No media source currently available

0:00 0:03:51 0:00
XS
SM
MD
LG