Давлат хавфсизлик хизмати маълумотига кўра, даставвал Наманган вилоятининг Косонсой туманида яшовчи ака-ука “Ласетти” русумли автомашинада Ўзбекистон-Қирғизистон чегараси томон кетаётганида тўхтатилган.
“Автомашина кўздан кечирилганда унинг орқа ўриндиғи пастки қисмида бир дона полиэтилен пакетда 205 600 АҚШ доллари, синтетик қопда эса 836 300 АҚШ доллари, шунингдек, бошқа бир синтетик қопда 800.000 АҚШ доллари, жами 1.841.900 АҚШ доллари борлиги аниқланиб, процессуал тартибда расмийлаштириб олинди”, дейилган ДХХ хабарномасида.
Бунинг ортидан валюта етказиб бераётган шахсларни аниқлаш мақсадида ўтказилган тадбирда 33 ёшли косонсойлик тадбиркор ҳам қўлга олинган. Иддаога кўра, унинг “Малибу” автомашинасидан 167 минг 100 АҚШ доллари чиққан.
Ҳолатлар юзасидан жиноят иши қўзғатилган, тергов ҳаракатлари олиб борилмоқда.
Озодлик аввалроқ ўзбек-қирғиз чегарасида валюта ва бошқа молларни ноқонуний ўтказишда фойдаланилган тўртта туннель топилгани ҳақида хабар қилган.
Наманганда қарийб 2 млн долларни ноқонуний равишда хорижга олиб чиқиб кетмоқчи бўлганлар ушланди
Ўзбекистоннинг Наманган вилоятида чет эл валютасини Қирғизистон орқали хорижий мамлакатларга юбориш билан шуғулланувчи ноконуний гуруҳ фаолиятига чек қўйиш мақсадида қатор тадбирлар ўтказилган.