Акция иштирокчиларидан бири, фаол Асхат Берсалимов журналистларга берган изоҳида “тинчлик тарафдори ва урушга қарши бўлган барча муносиб инсониятни” табриклаш учун келганини айтди.
-Кеча Украина давлат байроғи куни эди, бугун Мустақиллик куни. Мен украиналикларни ушбу байрам билан, биринчи навбатда, Украина Қуролли Кучларини табрикламоқчиман. Ҳозирда бутун инсоният Украинани қўллаб-қувватламоқда ва Россия Федерациясининг ҳарбий тажовузкорлигига қарши. Бугун, Украина Мустақиллиги кунида биз четда қолмасликка қарор қилдик, Тарас Шевченко ҳайкали олдига келдик ва соф рамзий маънода бутун Украина халқини ва такрор айтаман, бутун инсониятни табриклашга қарор қилдик. Украинага шон-шараф! Қаҳрамонларга шон-шарафлар!, - деди фаол.
Бу ҳаракатни яқин жойда турган полициячилар кузатган. Шунингдек, «Пресс» ёзуви туширилган жилет кийган ҳуқуқ-тартибот идоралари ходими ҳам бўлган ва ҳаммасини видеокамерага ёзиб олган. Унинг камзули остида полиция рацияси бўлган.
Акция тугагач, Асхат Берсалимов ва унинг тарафдорлари тарқлаишган. Акция тахминан 15 дақиқа давом этди.
Россиянинг ҳарбий тажовузини қоралаган Украинани қўллаб-қувватловчи урушга қарши митинглар асосан Қозоғистонда маҳаллий ҳокимиятнинг розилигисиз ўтмоқда. Уларнинг кўпчилиги аввалроқ маъмурий жавобгарликка тортилиб, ҳибсга олинган.
“Оян, Қазақстан” фуқаролик ҳаракати фаоллари февраль ойи охирида, Украинада уруш бошланганидан бир неча кун ўтиб, Россиянинг Олмаотадаги Бош консуллигида тўпланиб, Кремлнинг Украина ҳудудидаги ҳаракатларига қарши норозилик билдиришди. Ярим соатдан кейин полиция намойишчиларни ҳибсга олди.
Июнь ойида Қозоғистон пойтахти маъмурияти бешинчи уринишда Украинани қўллаб-қувватловчи митинг ўтказишга рухсат берди, бироқ охир-оқибат у бўлмади. Митинг куни пойтахтдаги цирк биноси олдидаги майдон периметри бўйлаб металл тўсиқлар ўрнатилган, коммунал хизмат ходимлари эса акция содир бўлган жойда ишлаган. Озодлик мухбири милиция ходимининг ўткинчиларга мурожаат қилаётганини кўрган, кейинроқ улардан бири зобит уларга «кетинглар», деб айтганини маълум қилди.
Украинани қўллаб-қувватловчи ягона қонуний митинг 6 март куни Олмаотада бўлиб ўтди. Митинг минглаб иштирокчиларни бирлаштирди. Намойишчилар “Путин, Гаага, қамоқхона!”, “Токаев, жим турма!” деган шиорлар билан чиққан. Июнь ойида Нур-Султон маъмурияти тўрт марта рад жавобидан сўнг Украинани қўллаб-қувватловчи митинг ўтказишга келишиб олди.