Ссылки доступа

Польша Шарқий Европадаги энг охирги Совет ёдгорлигини қулатди


Польша Россиянинг Украинага босқини оқибатида юзага келган Москвага ишонмаслик тенденцияси ортидан Шарқий Европадаги сўнги СССР ёдгорлигини қулатишга қарор қилди.

24 август куни Польша ғарбидаги Бжег шаҳрида Совет Армияси жангчисига ўрнатилган ёдгорликни олиб ташлаш ишлари бошланди. 24 август куни Россия Украинага бостириб кирганига олти ой тўлди. Шу куни Украина Мустақиллигининг навбатдаги санаси нишонланди.

Польша давлат тарих институти раҳбари Рафал Лескевич Associated Press агентлигига март ойидан то шу кунгача Совет Иттифоқига оид 60 та ёдгорлик олиб ташланганини билдирди. Бжегда март ойидан бери мана шундай 24 ёдгорлик ағдарилган.

Польша Украинанинг Россия босқинига қарши курашидаги асосий иттифоқчилардан бири бўлиб қолмоқда. БМТ маълумотларида қайд этилишича, Польша Киевга қурол ва ўқ дори билангина ёрдам бериб қолмай, Украинадан энг кўп қочқинларни қабул қилган давлатга айланди.

Бундан аввал Латвия ва Эстонияда ҳам Россия аскарларига ўрнатилган ёдгорликлар олиб ташланган эди.

XS
SM
MD
LG