Ссылки доступа

Чимкентда кўп қаватли уйдаги ёнғиндан 35 киши эвакуация қилинди


Чимкент шаҳрида 29 август куни эрталаб кўп қаватли турар-жой ёниб кетди, қутқарувчилар 35 кишини, жумладан беш нафар болани эвакуация қилди.

Воқеа жойига етиб келган биринчи ўт ўчирувчилар уйнинг биринчи қаватидан то тўртинчи қаватигача бўлган ташқи пластмасса қопламаси ва томи ёниб кетганини аниқлади. Жабрланганлар ва ҳалок бўлганлар йўқ, деди шаҳар фавқулодда вазиятлар бошқармаси.

Ҳозир уйда электр ва газ узилиб қолган.

Бу уйда яшовчи бирининг Озодликка айтишича, унинг икки хонали квартираси бутунлай ёниб кетган. Ёнғин содир бўлган вақтда у қариндошлари билан болалар билан бирга бўлган.

- Уй ёнаётганини қўшнилардан билдим. Борганимда хонадоним аллақачон бутунлай ёниб кетган эди, – дейди шу уйда яшовчи Бағлан Пердиқулов.

Ёнғиннинг дастлабки сабаблари ҳозирча айтилмаган, бироқ аҳолининг таъкидлашича, биринчи қаватда умумий овқатланиш шохобчаси жойлашган.

«101» бошқарув пультига ёнғин ҳақида хабар эрталаб соат 10 лар атрофида келиб тушган. Ёнғин соат 11:48да ўчирилган. Ёнғин сабаблари ўрганилмоқда, дейилади Фавқулодда вазиятлар департаменти.

XS
SM
MD
LG