Ссылки доступа

Адлия вазирлиги ва МСКнинг Назарбоевнинг яна сайловда қатнашиш ҳуқуқи ҳақидаги баёнотлари бир-бирига зид


Қозоғистон Марказий сайлов комиссияси (МСК) аъзоси Шавкат Утемисов Қозоғистоннинг собиқ президенти Нурсултон Назарбоев бўлажак президентлик сайловларида иштирок этиш ҳуқуқига эга эканлигини маълум қилди.

Бу ҳақда Ўтемисов собиқ президентнинг тўнғич қизи, парламент Сенатининг собиқ раиси Дариға Назарбоева президентликка номзод бўлиши мумкинми, деган саволга жавоб берар экан аниқлик киритди.

“Албатта, бўла олади. Нурсултон Назарбоев ҳам бўлиши мумкин. Президентликка номзодлар учун қўйилган талабларга жавоб берадиган ҳар қандай шахс ўз номзодини кўрсатиши мумкин”, деди Ўтемисов парламент йиғилишида.

Ўтган ҳафта Адлия вазири ўринбосари Алма Муканова Нурсултон Назарбоев Қозоғистондаги президентлик сайловларида иштирок эта олмаслиги ҳақида хабар берган эди. “Референдумда қабул қилинган ўзгартишларга кўра, Конституциядан Президент этиб кетма-кет икки мартадан ортиқ сайланиш талаби биринчи президентга тааллуқли эмаслиги ҳақидаги банд чиқариб ташланди”, — деди адлия вазири ўринбосари Алма Муканова.

Сайлов қонунчилигига кўра, бир шахс кетма-кет икки мартадан ортиқ президент этиб сайланиши мумкин эмас. Июнь ойида Қозоғистонда Конституцияга ўзгартиришлар киритиш бўйича референдум бўлиб ўтди, унга кўра, асосий қонундан биринчи президент Нурсултон Назарбоев ҳақидаги барча эслатмалар, хусусан, унинг давлат раҳбари лавозимига номзодини қўйиш ҳуқуқи ҳақидаги банд олиб ташланди.

XS
SM
MD
LG