"Ул зот 70 йилдан ортиқ вақт давомида мамлакат яхлитлиги ва жадал ривожланишининг рамзи бўлиб келган, Қиролликнинг глобал иқтисодиёт ва сиёсатда етакчи давлатлардан бирига айланишига, унинг халқаро майдондаги обрў ва эътиборини ҳар томонлама оширишга беқиёс ҳисса қўшган буюк давлат арбоби эди", дейилган Мирзиёев таъзияномасида.
Ўзбекистон президенти “ушбу мусибатли дамларда Қиролга, оиласининг барча аъзоларига ва бутун Буюк Британия халқига таскин сўзларини билдириб”, сабр-тоқат ва бардамлик тилаган.
Британия тахтида 70 йил ўтирган Елизавета II 8 сентябрь куни Шотландиядаги қасрида 96 ёшида вафот этган.
Ўзбекистон президенти Шавкат Мирзиёев Буюк Британия ва Шимолий Ирландия бирлашган қироллиги қироли Карл III га “волидаи муҳтарамаси Қиролича Елизавета Иккинчи оламдан ўтгани муносабати билан” ҳамдардлик билдирган. Бу ҳақда президент матбуот хизмати маълумот тарқатди.