Ссылки доступа

АҚШ Россияга дрон сотган Эрон ширкатларига нисбатан санкция жорий этди


АҚШ Молия вазирлиги Россияга дрон етказиб беришга алоқадор Эрон ширкатлари ва жисмоний шахсларга қарши санкция киритди. Бу ҳақда вазирлик сайтида эълон қилинган баёнотда айтилган.

Санкция рўйхатига, АҚШ маълумотига кўра, Эрон билан Россия ўртасида россиялик ҳарбийлар парвозига кўмаклашган Safiran Airport Services ширкати киритилган.

Шунингдек, Молия вазирлиги баёнотида Россияга йўллангани айтилаётган дронларни ишлаб чиқишда иштирок этган учта ширкат (Paravar Pars, Design and Manufacturing of Aircraft Engines, Baharestan Kish Company) ҳақида гап боради. Айни пайтда Baharestan Kish Company бошқарувчиси Раҳматуллоҳ Ҳайдарий санкция рўйхатига жисмоний шахс ўлароқ киритилган.

Санкция остига тушган ширкатлар ва жисмоний шахсларнинг АҚШ ҳудудидаги барча мулклари музлатилади ҳамда америкаликларга улар билан ҳар қандай ҳамкорлик қилиш тақиқланади.

Эронликлар Россияга ҳарбий дронлар сотаётгани тўғрисидаги илк хабар бундан бир ой муқаддам пайдо бўлган.

XS
SM
MD
LG