Бишкек мерияси матбуот хизмати хабар беришича, бу ҳақда шаҳар ҳокими Эмилбек Абдиқодиров Жогорку Кенеш депутатларига чиқинди полигонида бўлиб ўтган йиғилишда маълум қилган.
Унинг сўзларига кўра, қурилиш бир ярим-икки йил ичида якунланади.
“Аввалроқ муниципалитет ушбу муаммони ҳал қилиш истагини билдирган бир қанча халқаро компаниялар билан меморандумлар имзолаган эди. Пойтахт ҳокимлиги келиб тушган таклифларни ўрганиб, техник-иқтисодий асосларини ишлаб чиқмоқда”, — дейилади ҳокимлик хабарида.
Жорий йилнинг апрель ойида шаҳар ҳокими чиқиндиларни ёқиш ёки қайта ишлаш заводи қуриш учун инвестор қидираётганини маълум қилган эди.
2015 йилда ЕТТБ Бишкек яқинида 2021 йил июнига қадар қуриб битказилиши керак бўлган янги санитария полигони қурилишини қўллаб-қувватлади. Янги полигон ҳудудида эса чиқиндиларни саралаш заводи қурилиши керак эди. Аммо 2021 йил октябрь ойида ЕТТБ томонидан ажратилган 22 миллион евронинг 10,5 миллионини пудратчи ўзлаштиргани ва мажбуриятлар бажарилмагани маълум бўлди.
Кейинроқ маълум бўлишича, Бош прокуратура томонидан янги санитария полигони ва чиқиндиларни саралаш заводи қуриш лойиҳасини амалга оширишдаги қонунбузарликлар, шунингдек, Бишкек шаҳар ҳокимлиги ва Ҳисоб палатаси аудит хизмати текшируви юзасидан 4 та жиноят иши қўзғатилган.