Айблов тахминига кўра, Бабиш субсидиядан Прага чеккасида ўзига меҳмонхонали конференц-марказ қуришда фойдаланган. Унинг ўзи бу айбловни рад этиб, иш сиёсий сабабларга кўра очилган, деб ҳисобламоқда.
Айблов иддаосича, Бабиш ЕИ субсидиясидан фойдаланиш учун конференц-марказ ва меҳмонхонанинг ҳақиқий эгаси ўзи эканини яширган, ваҳоланки бу маблағ фақат кичик бизнес учун берилган эди. Агар айби судда исботланса, Бабиш қамалиши мумкин, аммо ҳозирча прокуратура унга шартли жазо берилиши ва жарима тайин қилинишини талаб қилмоқда. Суд қарори октябрь ойи ўрталаридан эрта чиқмаслиги айтиляпти.
Мазкур иш бўйича тергов Бабиш бош вазир лавозимида ўтирган пайтдаёқ бошланган ва бир неча йил давом этган.
68 ёшли миллиардер Андрей Бабиш мухолифатдаги ANO партиясининг раҳбари бўлиб ҳисобланади. У 2014-2017 йилларда Чехия молия вазири лавозимида ишлаган, 2017 йилдан 2021 йилгача эса бош вазир лавозимини эгаллаб келган.
Чехия собиқ бош вазири Европа Иттифоқининг 2 миллион евролик субсидиясини ишлатишда товламачиликка йўл қўйганликда айбланмоқда.