Мамлакатни қарийб ўттиз йил бошқарган собиқ президент Нурсултон Назарбоев (у Конституциявий кенгашнинг умрбод аъзоси) ва кенгашнинг яна бир аъзоси Иоган Меркел йиғилишда қатнашмади.
Қозоғистон президенти Қасим-Жўмарт Тўқаевнинг мурожаати раис Қайрат Мами, кенгаш аъзолари Асхат Даулбоев, Виктор Малиновский, Рахмет Мукашев, Алибек Темербеков ва Унзила Шапакдан иборат кенгашда кўриб чиқилди.
Назарбоевнинг узоқ йиллик ҳамкори, Олий суднинг собиқ раиси ва собиқ бош прокурор Қайрат Мами 2017 йил декабрида Конституциявий кенгашга раислик қилган. Рўйхатдаги кўпчилик Назарбоев даврида ҳам юқори лавозимларни эгаллаган ёки унинг даврида Кенгашга тайинланган.
Хулоса шарҳида айтилишича, қонун лойиҳаси Конституцияда “президентнинг бир марталик етти йиллик ваколат муддати”ни белгилаш, шунингдек, Асосий қонунга “мамлакат пойтахти номини ўзгартириш тўғрисида”ги ўзгартишлар киритишни назарда тутади.
Пойтахтни аввалги номига қайтариш ташаббуси президент Қасим-Жўмарт Тўқаевнинг шу йил кузда муддатидан олдин сайлов ўтказиш таклифидан сўнг «Аманат» (собиқ «Нур-Отан») партияси депутатлари томонидан илгари сурилган эди. Улар, шунингдек, сайлов кампанияси бошланишидан олдин президентнинг ягона етти йиллик ваколати тўғрисидаги нормани жорий этишни таклиф қилишди.
Кеча Қозоғистон президенти матбуот котиби Тўқаев Нур-Султон номини Остонага ўзгартиришни қўллаб-қувватлаганини маълум қилганди. Тўқаев 2019 йилда жорий йил бошига қадар кенг ваколатларини сақлаб қолган Назарбоев истеъфога чиққанидан сўнг ўзининг инаугурацион нутқи чоғида бу таклифни билдиргани учун пойтахт Қозоғистоннинг собиқ президенти Нурсултон Назарбоев шарафига ўзгартирилди.
Январь воқеаларидан кейин собиқ давлат раҳбарининг давраси ва 2019 йилда собиқ президент лавозимини топширган унинг вориси жамоасидаги одамлар ўртасидаги қарама-қаршиликлар ҳақида кенг тарқалган тахминлар пайдо бўлди. Назарбоев ва Тўқаев ўртасида ҳеч қандай зиддият йўқлигини ошкора таъкидлаган.
Январь воқеалари ортидан собиқ президентнинг яқинлари мансабларидан айрилган, айримлари ҳибсга олинган.