Ссылки доступа

Қирғизистон чегара хизмати Тожикистон билан чегаранинг яна бир қисмида янги отишма бўлганини маълум қилди


Қирғизистон ва Тожикистон чегарасида янги отишма юз берди. Ҳозир Боткен вилоятининг Кўк-Сай ҳудудида Тожикистон чегарачилари Қирғизистоннинг «Достук» заставаси чегарачиларига қарата ўт очди, деб хабар бермоқда Қирғизистон Республикаси чегара хизмати.

Қайд этилганидек, қирғиз чегарачилари жавоб ўқ узган. Отишма давом этмоқда. Тожикистон томони ҳозирча янги отишма ҳақидаги маълумотга изоҳ бермади.

14 сентябрь куни эрталаб Боткен вилоятининг Булоқ-Боши ҳудудида отишма юз берди. Бир неча соатдан сўнг, Қирғизистон Республикаси Чегара хизмати хабар беришича, отишма тўхтаган.

Аввалроқ Қирғизистон Республикаси чегара хизмати Боткен вилоятидаги барча соғлиқни сақлаш ташкилотлари кучайтирилган иш режимига ўтгани ҳақида хабар берган эди. "Касалхоналарда ёрдам кўрсатиш учун етарли миқдорда қон компонентлари, дори-дармонлар ва тиббий буюмлар мавжуд", деди вазирлик.

Бугун, 14 сентябрь куни Қирғизистон ва Тожикистон чегарасида отишма содир бўлди. Қирғизистон томонининг маълум қилишича, Боткен туманининг Булоқ-Баши ҳудудида Қирғизистон Республикаси Чегара хизмати отряди белгиланмаган жойда “жанговар позицияларини” эгаллаган Тожикистон чегара отрядини аниқлаган. Департамент маълумотларига кўра, Тожисиктон Республикаси чегарачилари ҳудудни тарк этиш талабларини эътиборсиз қолдириб, ўт очишган. Бунга жавобан Қирғизистон Республикаси Миллий хавфсизлик давлат қўмитаси чегарачилари ҳам қурол ишлатган. Отишма давомида, Қирғизистон Чегара хизмати маълумотларига кўра, Тожикистон томони миномётлардан фойдаланган. Дастлабки маълумотларга кўра, Қирғизистон томонидан қурбонлар ва ярадорлар йўқ.

Тожикистон томонининг маълум қилишича, 14 сентябрь куни соат тахминан 07:15 да “Қирғизистон Республикасининг Боткен чегара отрядининг «Булоқбоши» чегара пости чегарачилари Исфара чегара отрядининг «Кех» чегара пости томон миномётдан 4 марта ўқ узган. Тожикистон Республикаси, ҳеч қандай сабабсиз тожик чегарачилари позицияларига ПК, АК ва бошқа ўқотар қуроллардан фойдаланган ҳолда ўқ узган”. Қайд этилишича, Тожикистон ҳарбий хизматчилари жавоб ўқ узган. Тожикистон Миллий хавфсизлик давлат қўмитаси чегара қўшинлари ҳам “Қирғизистоннинг ушбу ҳудудига қўшимча ҳарбий куч ва техникалар киритилганини” даъво қилмоқда.

Тожикистон билан чегарада юз берган отишма натижасида икки чегарачи яраланган. Бу ҳақда Қирғизистон Миллий хавфсизлик давлат қўмитаси чегара хизмати хабар берди.

Қайд этилишича, ҳарбий хизматчиларга зарур тиббий ёрдам кўрсатилиб, шифокорлар назорати остида. Уларнинг аҳволи қониқарли деб баҳоланмоқда.

Озоди радиоси манбаларининг хабар беришича, 14 сентябрь куни эрталаб тожик-қирғиз чегарасида юз берган отишмада бир тожик чегарачиси ҳалок бўлган, икки нафари яраланган. Реутерс агентлиги ҳам тожик чегарачиси ҳалок бўлгани ҳақида хабар берди.

Тожикистон чегара қўшинлари матбуот маркази ҳодисага расман изоҳ берди, бироқ қурбонлар ҳақида ҳеч нарса маълум қилмади.

XS
SM
MD
LG