Ссылки доступа

АҚШ генерали: Украина камида 55 та Россия самолётини уриб туширди


АҚШнинг Европа ва Африкадаги ҳаво кучлари қўмондони генерал Жеймс Хеккер душанба куни Россиянинг Украинага очиқ бостириб кириши бошланганидан бери Украина ҳаво ҳужумидан мудофаа воситалари Россиянинг камида 55 та жанговар самолётини уриб туширди, бу эса Россиянинг ҳаво устунлигини тасдиқлашига тўсқинлик қилди.

Камида 5 та рус самолёти йўқ қилинган. Генерал Хеккернинг сўзларига кўра, катта йўқотишлар рус қирувчи ва бомбардимончи самолётларининг Россия ҳарбий амалиётларида муҳим роль ўйнамаслигининг асосий сабабидир.

Бундан ташқари, Украина армияси Совет Иттифоқида ишлаб чиқилган С-300 ва Бук зенит-ракета комплексларидан фойдаланади. Россиянинг учувчисиз ракета ва самолётларидан ҳимоя қилиш учун Шарқий Европа давлатлари арсеналларидан бундай комплексларни етказиб бериш Киевнинг иттифоқчиларга қўйган “асосий илтимосларидан” биридир, деди Жеймс Хеккер.

Россия кучларининг ўз қўшинлари учун ишончли ҳаво қопламини таъминлай олмаслиги Россиянинг Украина ҳаво ҳудудида ҳукмронлик қилишини кутган америкалик кузатувчилар учун катта кутилмаган ҳодисалардан бири бўлди.

Айни пайтда, Украина, Америка ҳисоб-китобларига кўра, ҳаво ҳужумлари учун фаол фойдаланиладиган ҳарбий самолётларининг қарийб 80 фоизини сақлаб қолишга муваффақ бўлди. Генерал Хеккернинг сўзларига кўра, Россия босқиннинг бошида Украина зенит-ракета комплексларини йўқ қилиш учун жиддий ҳаракатлар қилмай, “асосий тактик хато”га йўл қўйди. Ўз навбатида, Украина август ойида америкалик техниклар томонидан Украинанинг Су-27 ва МиГ-29 қирувчи самолётларига ўрнатилган Америка АГМ-88 антирадар ракеталарини қабул қила бошлади. Ушбу ракеталар Россиянинг зенит-ракета қурилмаларини бостириш учун ишлатилади.

XS
SM
MD
LG