Ссылки доступа

Путин мамлакатда қисман ҳарбий сафарбарлик эълон қилинишини билдирди


Президент России Владимир Путин

Бу ҳақда у 21 сентябрь куни эрталаб россияликларга мурожаатида маълум қилди. Россия президенти Владимир Путин Россия Федерациясида қисман сафарбарлик эълон қилди.

Бу ҳақда Россия етакчиси халққа мурожаатида маълум қилди.

Унинг сўзларига кўра, Ғарбнинг мақсади - Россияни заифлаштириш, бўлиш ва йўқ қилиш.

«Улар тўғридан тўғри 1991 йил СССРни парчалашга муваффақ бўлганлигини ва энди Россия учун вақт келди, деб айтишяпти», деди у.

Қайд этилишича, махсус ҳарбий операциянинг асосий мақсадлари ўзгаришсиз қолмоқда - «ЛХР» тўлиқ озод қилинди, «ДХР» қисман озод қилинди.

Путин Россия ҳукумати ва Мудофаа вазирлигига Донбасс кўнгиллилари ва исёнчиларининг ҳуқуқий мақомини имкон қадар тезроқ аниқлашни топширди. «Бу оддий россиялик ҳарбийлар билан бир хил бўлиши керак», деди у.

Путин Донбасс кўнгиллилари ва жангчиларини техника ва жиҳозлар билан таъминлашга алоҳида эътибор қаратишни талаб қилди.

«Махсус операция бошланганидан кейин ҳам Киев Россиянинг таклифларига ижобий муносабатда бўлди - лекин тинчлик Ғарбга мос келмади ва Украинага келишувларни бузишга тўғридан тўғри буйруқ берилди», деди у.

Таъкидланишича, Россия ўзига яқин одамларни «жаллодга топшира олмайди» ва уларнинг ўз тақдирини белгилаш истагига жавоб беради.

Россия Донбасс, Запорожжя ва Херсон вилоятлари аҳолиси томонидан қабул қилинган қарорни қўллаб-қувватлаши маълум қилинди.

«Россияни, унинг суверенитети ва яхлитлигини ҳимоя қилиш учун қисман сафарбарлик ўтказиш таклифини қўллаб-қувватлаш зарур, деб ҳисоблайман. Қисман сафарбарлик тўғрисидаги фармон имзоланди», деди у.

Чақирув фақат захирадаги фуқароларга тегишли бўлади, улар махсус операция тажрибасини ҳисобга олган ҳолда қўшимча тайёргарликдан ўтади.

«Сафарбарлик тадбирлари бугундан бошланади. Махсус операцияда қатнашишга сафарбар қилинган шахслар тўловлар ва шартнома бўйича хизмат қилаётган ҳарбий хизматчиларнинг мақомини оладилар. Қисман сафарбарлик тўғрисидаги фармон давлат мудофаа буюртмалари бўйича қўшимча чора-тадбирларни назарда тутади», деди Россия президенти.

«Ғарб ҳар бир чизиқни кесиб ўтди, масъулиятсиз сиёсатчилар Украинага ҳужум қуролларини етказиб бериш, Россияга қарши техника зарбалари ҳақида гапиришмоқда. Ғарб давлатлари Киевни ҳарбий ҳаракатларни Россия ҳудудига ўтказишга ундамоқда. Ғарб ядровий шантаждан фойдаланмоқда. Агар ҳудудий яхлитлиги таҳдид остида қолса, Россия барча имкониятларни ишга солади, бу шунчаки баёнот эмас», деди у.

Путин Россияни ядро қуроли билан шантаж қилмоқчи бўлганларни огоҳлантирди: «кўтарилган шамол улар томон бурилиши мумкин».

XS
SM
MD
LG