Нодавлат нотижорат ташкилоти вакилларининг сўзларига кўра, «оммавий» носозлик тахминан тўрт соат давом этган ва интернетга уланишнинг сезиларли даражада секинлашиши ёки унинг тўлиқ йўқлиги билан бирга содир бўлган.
“Мониторинг шуни кўрсатдики, бу ҳодиса ҳукуматнинг аввал қайд этилган ўчириб қўйишидан фарқ қилади ва интернет провайдерлари DDoS ҳужумига ўхшаб реакция кўрсатмоқда”, деди NetBlocks бош ижрочи директори Алп Токер.
Аввалроқ Қозоғистон Миллий хавфсизлик қўмитаси (МХҚ) “Давлат техник хизмати” “Интернетга уланишда кечикишлар юзага келгани сабабли” интернетнинг Қозоғистон сегментига киберҳужумлар содир этилгани ҳақида маълум қилганди.
24 сентябрь куни «Казактелеком» миллий алоқа оператори бир қатор маҳаллий оммавий ахборот воситаларига тарқатилган хизмат кўрсатишни рад этиш (DDoS) ҳужуми ҳақидаги хабарида маршрутларни тиклаш ва оптималлаштириш бўйича техник ишлар кириш тезлигининг қисман пасайишига олиб келиши мумкинлигини айтди.
Чоршанба оқшомида турли маҳаллий провайдерлар фойдаланувчилари интернетга уланиш билан боғлиқ муаммолар, хорижий ресурслар ва хизматларга кириш қийинлиги ҳақида хабар беришди. Тармоқ ишидаги носозликлар туфайли Атирау ва Олмаота аэропортларида рейслар кечиктирилди. Парвозларни рўйхатдан ўтказиш қўлда амалга оширилди.
NetBlocks маълумотларига кўра, Қозоғистонда аввалги йирик интернет узилиши 5 январга ўтар кечаси — шаҳарлардаги оммавий норозилик намойишлари ўртасида содир бўлган ва куннинг иккинчи ярмида бутун мамлакат бўйлаб интернетнинг тўхтатилишига айланган.