Россиянинг Ўзбекистондаги элчихонасига кўра, бу маълумотлар ҳақиқатга тўғри келмайди.
“Россия ИИВнинг сохта буйруғига таяниб, ҳужумчилар Россияда вақтинча бўлиб турган Ўзбекистон, Тожикистон ва Қирғизистон фуқаролари қисман сафарбар этилгани ҳақидаги сохта хабарларни тарқатишмоқда. Aгар улар шартнома тузишдан бош тортсалар, гўёки ишлаш рухсатномаси бекор қилинади ва депортация қилинади”, - дейилади хабарда.
Элчихона Россияда бўлган Ўзбекистон фуқароларини турли провокацияларга берилмасликка ва фақат расмий манбалардан олинган маълумотларга эътибор қаратишга чақирди.
Аввалроқ минтақа мамлакатлари, жумладан Ўзбекистон расмийлари ўз фуқароларини хорижий давлатлар ҳудудидаги ҳарбий ҳаракатларда иштирок этмасликка ва ҳарбийлашган тузилмаларга ёлланмасликка чақириб, “бундай ҳаракатлар жиноий жавобгарликка сабаб бўлиши ҳақида” огоҳлантиришган.