Бошқармада қайд этилганидек, аскар ҳозирда касалхонада. Қайд этилишича, воқеа 5 октябрга ўтар кечаси содир бўлган. Ярадорларнинг аҳволи ва воқеа тафсилотлари ҳозирча маълум қилинмаган.
Сўнгги бир неча ой ичида Қирғизистонда ҳарбий хизматда жароҳат олиш ёки ўз жонига қасд қилиш ҳолатлари тез-тез учраган. Июль ойи бошида Мудофаа вазирлиги Қўй-Тошдаги ҳарбий қисмга 22 ёшли аскар мустақил равишда ўқ узгани ҳақида хабар берган эди. Бироқ, қариндошлар ўз жонига қасд қилиш версиясига шубҳа қилишларини таъкидладилар.
Кейинроқ, шу йилнинг 29 июль куни Молдовановка қишлоғидаги 27-сонли ахлоқ тузатиш муассасасида 18 ёшли аскар Калис Абдиқобилов ўқдан олган жароҳатидан вафот этди. Қамоқхона хизмати буни ўз жонига қасд қилиш деб баҳолади. Аммо аскарнинг яқинлари бу версияга ишонмайди ва адолатли тергов ўтказилишини талаб қилади.
Қирғизистон мустақилликка эришганидан бери миллий армия «дедовшина» муаммосидан қутула олмади. Шу муносабат билан ҳарбий қисмларда аскарларнинг ногирон бўлиб қолишлари, баъзилари ҳатто ҳаётдан кўз юмиши ҳам учрайди.