Ссылки доступа

Путин ва Эрдўғон 12 октябрь куни Қозоғистон пойтахтида учрашиши мумкин


Туркия президенти Ражаб Тоййиб Эрдўғон ва Россия президенти Владимир Путин Қозоғистон пойтахти Остона шаҳрида бўлиб ўтадиган Осиёдаги ҳамкорлик ва ишонч чоралари бўйича кенгаш ишида иштирок этишади.

Бу ҳақда “Франс-пресс” агентлиги турк мулозимлари ичидаги ўз манбасидан олинган маълумотга таянган ҳолда хабар қилди. Агентлик қайдича, Эрдўғон билан Путин учрашуви чоршанба куни бўлиб ўтиши мумкин.

Туркия президенти анчадан буён Киев ва Москва вакилларини урушни тўхтатиш бўйича музокара столига ўтқазишга уриниб келмоқда. Аввалроқ президент Зеленский Украинанинг тўрт вилояти Россия томонидан аннексия қилиб олганидан кейин президент Путин билан муҳокама қиладиган масала қолмаганини билдириб, ҳатто бунга оид фармон имзолаган эди. Россия расмийлари ҳам ҳозирча Путиннинг Зеленский билан тинчлик музокаралари ўтказишга рағбатли эканига ишора қилаётганлари йўқ.

Эрдўғон Путин билан сўнгги бор юзма-юз ўтган ой ўртасида Самарқандда ўтган ШҲТ саммитида учрашган эди.

XS
SM
MD
LG