Ссылки доступа

Термиз халқаро аэропорти 25 декабргача ёпилади


Термиз халқаро аэропорти жорий йилнинг 1 ноябридан 25 декабригача учоқ қабул қилиш ва жўнатишни тўхтатади.

Uzbekistan Airports матбуот хизмати маълумотига кўра, мазкур аэропорт “янги аэродром мажмуасини фойдаланишга топширишга тайёргарлик кўриш муносабати билан” вақтинча ёпилмоқда.

Қайд этилишича, айни пайтда Термиз аэропортида узунлиги 3000 метр ва эни 60 метр бўлган янги учиш-қўниш йўлаги қурилиши тўлиқ якунланган.

“Деярли икки ой муддатда юриш йўлакларини янги учиш-қўниш йўлаги ва перрон билан улаш, шунингдек, янги CAT-I ИКАО ёритиш-сигнал тизими, метеорологик ва радионавигация қўниш тизимларини ўрнатиш бўйича ишларни якунига етказиш режалаштирилмоқда”, дейилган Uzbekistan Airports хабарномасида.

XS
SM
MD
LG