Тадбир мақсадларидан бири украиналик қочқинларга ёрдам маблағи йиғиш бўлган. Митинг якунига кўра, SOTA қайдича, қарийб 3 минг доллар йиғилган.
Россиялик эмигрантларнинг Тбилисидаги митинги Free Russia Foundation халқаро жамғармаси томонидан ташкил этилган.
Президент Путин томонидан Украинадаги урушни давом эттириш учун «қисман ҳарбий сафарбарлик» эълон қилинганидан кейин мамлакатни тарк этган россияликлар сони кескин ошиб кетган. Турли маълумотларга кўра, бу ерда гап бир неча минг кишидан бир неча миллион эмигрантгача бораётган бўлиши мумкин – 21 сентябрдан бери Россияни қанча киши тарк этгани ҳақида текширилган аниқ рақам йўқ.
Россиялик энг кўп кўчиб борган мамлакатлардан бири Грузия бўлган. Мамлакат ИИВ маълумотига кўра, сентябрь ойи ичида Грузия чегарасини 222 мингдан зиёд россиялик кесиб ўтган. Статистикада булардан қанчаси турист сифатида, яна қанчаси миграция ва транзит мақсадида ўтгани айтилган эмас.
Грузия пойтахтида 23 октябрь куни россиялик муҳожирларнинг Украинадаги уруш ва Путин сиёсатига қарши митинги бўлиб ўтди. Бу ҳақда SOTA телеграм-канали хабар қилди. Журналистларнинг ёзишича, нороизилик акциясида 500 чоғли одам иштирок этган.