Журналистнинг сўзларига кўра, у дорихонадан чиққанида номаълум шахслар келиб, унинг юзи ва бошига урган. У калтаклашни касбий фаолияти билан боғлайди.
“Дорихонадан чиқаётганимда номаълум шахслар ёнимга келиб, юзим ва бошимга уриша бошлашди. Улардан бири “Бу мени камерага олган СуперТВ журналисти”, деди. Қайси вақтда ҳушимни йўқотганимни билмайман. Уйга келганимда соат 04:30 эди”, — деб Жоробеков сўзларини келтирмоқда СуперТВ.
Қайд этилишича, журналист Ленин тумани ички ишлар бўлимига ариза билан мурожаат қилган.
Бишкекнинг Ленин тумани ички ишлар бошқармаси матбуот хизмати Озодликка Жоробековнинг калтаклангани ҳақида кейинроқ маълумот беришини айтди.