Bloomberg агентлигининг билдиришича, Twitter ширкатида жами 7,5 минг ишчи ишлайди. Улардан 3 минг 700 нафардан кўпроғи бўшатилади. Илон Маск буни ширкат ҳаражатларининг жуда катталиги билан изоҳлаган.
SpaceX ва Tesla асосчиси Илон Маск 28 октябрь куни расман Twitter тармоғини 44 миллиард долларга сотиб олишни якунлади ва ширкатга раҳбарлик қилишга киришди.
Reuters агентлигининг хабар беришича, Маск Twitter ижрочи директори Параг Агравал, молия директори Нед Сигал, ҳуқуқий масалалар бўйича раҳбар Виджай Гадде ва ширкатнинг бош юридик маслаҳатчиси Шон Эджеттни ишдан бўшатди. Маск уларни ўзини ва инвесторларни платформадаги фейк аккаунтлар тўғрисида нотўғри маълумот бериб чалғитганликда айблади. Маск янги раҳбариятни шакллантирмагунига қадар ширкатни ўзи бошқариб туриши кутилмоқда.
27 октябрда Маск Twitter штаб-квартирасига кириб келиши видеосини эълон қилган эди. У, шунингдек, ижтимоий тармоқдаги статусини Chief Twit, яъни твитлар шефи деб ўзгартирди.
28 октябрдан Twitter ширкатининг тўлақонли хўжайинига айланган миллиардер Илон Маск ижтимоий тармоқ ходимларидан 50 фоизини ишдан бўшатишини билдирди.