Аниқланишича, у 7 декабрга қадар уй қамоғида бўлади.
Суд жараёнида журналист ўзининг Facebookдаги саҳифасида Афғонистонга оид материалларни баҳам кўрганини, бироқ кейинроқ нашрни ўчириб ташлаганини таъкидлади.
“Facebookdда Афғонистон ҳақидаги материал билан бўлишдим. У тарихий воқеаларга, жумладан, Совет ва Америка қўшинларининг ушбу мамлакатда бўлишига бағишланган эди. Мени сўроққа чақиришди ва ҳибсга олишди. Февраль ойида уйимдан муфтийлик рухсати билан чиққан китоблар олиб қўйилди. Аммо уларда ҳеч қандай шубҳали нарса топилмади. Мен анъанавий исломга амал қиламан ва бу ҳаволани тасодифан бўлишдим”, — деди у.
Талас уулу ўзини сиёсий сабабларга кўра ҳибсга олинган, деб ҳисоблайди.
Эслатиб ўтамиз, 1 ноябрь куни Семетей Талас уулу қўлга олинган эди. У экстремизмда гумон қилинмоқда.
Аввалроқ 41 ёшли Семетей Талас уулу Қирғизистон Республикаси Жиноят кодексининг “Экстремистик материалларни тарқатиш” моддаси бўйича қўзғатилган иш бўйича Миллий хавфсизлик давлат қўмитасига сўроққа бориш учун кетган эди. Сўроқдан сўнг у тергов қилинаётган иш бўйича гувоҳ эканлигини айтди.
Журналист бунгача Кампиробод сув омбори масаласида фаол фикр билдирган.