Ссылки доступа

Бөлтіріктің әйелі қырғыз президентіне ашық хат жазды 


Теңіз Бөлтірік сот залында. 

"Құмтөр Голд Компани" мемлекеттік компаниясындағы коррупцияға байланысты қамалған "Ұлы көшпенділер мұрасы" ұлттық холдинг басшысы Теңіз Бөлтірікті үй қамағына шығаруды өтініп, әйелі Илмира Алпысбаева президент Садыр Жапаровқа ашық хат жазды. 

Ол мұны Теңіз Бөлтіріктің Фейсбук парақшасына жариялады. Ол онда күйеуін денсаулығына байланысты үйқамаққа шығаруды өтінген. Күйеуінің жүрегі ауыратынын, қан қысымы жоғары екенін айтқан.

Президент Жапаров жергілікті басылымдардың біріне берген сұқбатында Бөлтірік ісіне байланысты соңғы шешімді сот шығарады деген.

Теңіз Бөлтірік тергеу ісімен бірлесіп жұмыс істеуге дайын екенін қазан айының басында абақтыда жазған хатында білдірген.

Бас прокуратура Теңіз Бөлтірік "Құмтөрден" ақша жымқырды деген күдікпен қамалғанын 13 қыркүйекте мәлімдеген.

XS
SM
MD
LG