Унинг сўзларига кўра, у қимор ўйинларига ташриф буюрган ушбу ҳарбий хизматчиларнинг исмларини билади. Вазир қанча ҳарбийлар ҳақида гапираётганини айтмади.
“Уларнинг ҳар бири юзасидан расмий тергов тайинланган. Ва тергов хулосасига кўра, кейинги хизматни давом эттириш тўғрисида қарор қабул қиламан”, — деди Яхшилиқов парламент Сенатида журналистларга.
Ўтган ой ўрталарида Олмаота вилояти прокуратураси 305 нафар қозоғистонлик давлат хизматчиси казинода тахминан 507 миллион тенге сарфлаганини аниқлагани маълум бўлди.
Ушбу маълумот пайдо бўлгандан сўнг, молиявий мониторинг агентлиги ҳам ички текширув бошланганини эълон қилди.
Олий суд ўз вакилларининг қимор ўйинларига ташриф буюриши ҳақидаги маълумотни "ҳақиқатга тўғри келмайди" деб атади. Давлат хизматчиларининг одоб-ахлоқ кодексида уларнинг қимор ўйингоҳларига боришини тақиқлаш назарда тутилган.