"Биринчи Радио" Азаттық хабарларын таратуды 23 қазаннан бері тоқтатқан. Себебі ресми жолданған хатта "спутниктен сигнал алатын құрылғы сынып қалды" делінген.
13 қарашада НТС телеканалы мен "Санжыра" радиосы да Азаттық хабарларын таратуды тоқтатқанын мәлімдеген. Алайда, себебін түсіндірмеген.
НТС телеканалының жетекшісі Айдай Ивакова 13 қараша күні кешкісін Азаттық редакциясына хабарласып, "билікпен мәселе шешілмейінше, Азаттық хабарларын тарата алмайтынын" жеткізген.
Азаттықтың таңертеңгі және кешкі хабарлары "Санжыра" радиосынан 2018 жылдан бері тарап тұрған. Сонымен бірге НТС телеканалы да Азаттықтың бағдарламаларын көрсетіп тұрған.
26 қазанда елдің ақпарат, мәдениет, спорт және хастар саясат министрлігі "Азаттық Медиа" сайтын екі айға жабу туралы шешім шығарды.
Азат Еуропа /Азаттық радиосының жетекшілігі мұны сөз бостандығын тұншықтыру, Қырғызстан демократиясын шектеу деп бағалады.
Бұдан бөлек Азаттықтың банктердегі есеп-шоттары да бұғатталған.