Резолюция бўйича овоз бериш 15 ноябрь куни бўлиб ўтган. Унда Россиянинг Украинага ҳужум, жумладан энергетика инфратузилмаси объектларига берилган зарбалар қораланган ҳамда россиялик расмийлар Украина ҳудудининг бир қисмини аннексия қилиб олишига асос қилиб кўрсатилаётган референдумлар натижалари тан олинмаслиги айтилган.
Депутатлар уруш вақтидаги жиноятларни суд томонидан таъқиб этилиши учун махсус халқаро трибунал тузиш ҳамда Халқаро жиноят суди терговини ўтказиш ташаббусини дастаклаганлар.
Резолюция учун 200 депутатдан 129 нафари ёқлаб овоз берган, 14 нафари қарши чиққан, 57 нафар депутат эса овоз беришда иштирок этган эмас.
Аввалроқ Латвия, Литва ва Эстония парламентлари Россияни терроризм ҳомийси бўлган давлат дея тан олган. Россиядаги режимни “террористик” деб топиш тўғрисидаги резолюция октябрь ойида Европа Кенгаши Парламент ассамблеяси томонидан ҳам қабул қилинган эди.
Чехиялик депутатлар Россиядаги бошқарувни террористик режим деб тан олиш тўғрисидаги резолюцияни қабул қилишди
Чехия парламентининг қуйи палатаси Россиянинг амалдаги режими “террористик” деб тан олинган резолюцияни қабул қилди. Ҳужжат матни парламент сайти орқали эълон қилинган.