Ссылки доступа

Бишкек милицияси SuperTV журналистини калтаклаганликда гумонланаётган шахсни қўлга олди


Милиция ходимлари SuperTV мухбирини калтаклаганликда гумон қилинган Бактурсун Жўробековни қўлга олди. Бу ҳақда Озодликка Бишкекнинг Ленин тумани ички ишлар бошқармаси матбуот хизмати хабар берди.

Ҳуқуқ-тартибот идоралари ходимларининг маълум қилишича, қўлга олинган шахс 2000 йилда туғилган фуқаро A.K. бўлиб, у Бишкек Ички ишлар бош бошқармасининг вақтинчалик сақлаш ҳибсхонасига жойлаштирилган, кейинроқ Бишкекнинг Ленинг туман суди гумонланувчини бир ой муддатга Бишкек шаҳридаги СИЗО-1да ҳибсда сақлашга қарор қилди.

“Ушбу факт Ленин тумани ИИБ АИС ЭРП да Қирғизистон Республикаси Жиноят кодексининг 206-моддаси (Ўғирлик) билан қайд этилган. Ҳозирда милиция ходимлари қаердалигини аниқлаш ва иккинчи гумонланувчини қўлга олиш бўйича суриштирув ва тезкор-қидирув тадбирларини давом эттирмоқда”, — дейилади милиция хабарида.

Бишкекда 26 октябрь куни номаълум шахслар SuperTV мухбири Бактурсун Жўробековни калтаклаган, у воқеани касбий фаолияти билан боғлайди. Журналистнинг сўзларига кўра, у дорихонадан чиққач, номаълум шахслар келиб, унинг юзига ва бошига урган.

Пойтахтнинг Ленинг тумани ички ишлар бошқармаси хабарига кўра, ҳужумчилар унинг мобил телефони ва ҳамёнини ҳам тортиб олган.

XS
SM
MD
LG