Ссылки доступа

Боткенда Тожикистон билан чегарадаги можародан сўнг бир йил давомида байрам тадбирларини ўтказишга чекловлар жорий этилди


Боткен шаҳар ҳокимияти маҳаллий аҳолига байрам тадбирларини 2023 йил 31 декабргача ўтказишга чекловлар қўйди. Бу ҳақда Боткен шаҳар ҳокимлиги матбуот хизмати хабар берди.

Ҳокимлик маълумотларига кўра, байрамларни вақтинча тақиқлаш тўғрисидаги қарор қирғиз-тожик чегарасида 63 нафар қирғизистонлик ҳалок бўлган сўнгги қуролли можаро билан боғлиқ.

“Чекловлар Янги йил байрамлари, 8 март Халқаро хотин-қизлар куни, Наврўз, Ғалаба куни, Мустақиллик куни, сўнгги қўнғироқ, Халқаро болаларни ҳимоя қилиш куни нишонланадиган тантаналарга тегишли бўлади. Тез орада маҳаллий ҳокимликлар аҳоли ўртасида тушунтириш ишларини олиб боришни бошлайди”, — дейилади ҳокимлик хабарида.

Шунингдек, ҳокимлик байрамларни ташкил этишни тақиқлаш 22 ноябрдан бошлаб киритилганини таъкидлади.

Жорий йилнинг 14-17 сентябрь кунлари Тожикистон-Қирғизистон чегарасида содир бўлган қуролли тўқнашувда ҳар икки томондан 100 дан ортиқ одам ҳалок бўлган.

XS
SM
MD
LG