Ссылки доступа

Бош прокуратура ҳинд тадбиркорининг Тошкент шаҳар ҳокими билан боғлиқ иддаолари юзасидан текширув бошлади


Ўзбекистон Бош прокуратураси Minerva World of Knowledge компанияси таъсисчиси Мурари Лал Жаланнинг иддаолари бўйича текширув бошлаган. Бу ҳақда Газета.uz нашри БП матбуот хизматидан олинган маълумотга таянган ҳолда хабар қилди.

Ҳиндистонлик инвестор Мурали Лал Жалан Kun.uz нашрига берган интервьюсида Тошкент ҳокими Жаҳонгир Ортиқхўжаевни шантажда айблаб, шахсий учрашув чоғида Lake City лойиҳаси ерини бериш ёки банк ҳисобрақамига 100 миллион доллар ўтказишни таклиф этганини айтгани ҳақида Озодлик аввалроқ хабар қилган.

Бунинг ортидан Тошкент шаҳар ҳокимлиги Жаланнинг иддаоларини текшириш талаби билан Бош прокуратурага мурожаат қилишини билдирган. Пойтахт ҳокимлиги матбуот хизмати ҳиндистонлик тадбиркор сўзларини “давлат хизматчисини обрўсизлантириш” ўлароқ баҳолаган эди.

Газета.uz хабарида қайд этилишича, 29 ноябрь куни БПга ҳоким Жаҳонгир Ортиқхўжаевдан “вазиятни ўрганиш, ҳуқуқий баҳо бериш ва айбдорларга қонуний чоралар кўриш” сўрови билан хат келиб тушган. Бу борада Бош прокуратуранинг тегишли бўлими томонидан ўрганиш ишлари олиб борилмоқда.

XS
SM
MD
LG