Мұндай шешім Материалдық емес мәдени мұраларды қорғау жөніндегі үкіметаралық комитеттің 17-сессиясында қабылданды. Комитет сессиясы Мароккода өтіп жатыр.
"Жібек шаруашылығы және тоқымаға арналған дәстүрлі жібек өндірісі" жөніндегі өтінішті Өзбекстанмен қатар Әзербайжан, Ауғанстан, Иран, Тәжікстан, Түркіменстан мен Түркия дайындаған. Ал "Қожа Насреддин туралы тәмсіл айту дәстүрін" Өзбекстанмен бірге Әзербайжан, Қазақстан, Қырғызстан, Тәжікстан, Түркіменстан және Түркия ұсынған.
Жиынға қатысушылар дәстүрлі жібек құртын өсіру технологиясына қызығып, Өзбекстанда жібек шаруашылығы қалай дамып жатқаны төңірегінде әңгімелесті, деп хабарлайды министрліктің баспасөз қызметі.
Өзбекстан осымен Репрезентатив тізімге 11 мұра қосты. Бұның алдында материалдық емес мәдени мұралар тізіміне "Бахши", "Лазги", "Палау", "Аския", "Миниатюра", "Наурыз", "Шашмақом" және басқалары енген.