Арнайы қызмет мәліметінше, күдікті 2019-2021 жылдар аралығында "Бішкекжарық" мекемесін басқарған уақытта "кәсіпорында аса ірі көлемде (31 млн сом) ақша ұрланған".
ҰҚМК таратқан ресми баспасөз релизінде күдіктінің толық аты-жөні айтылмады, А.Ә.А. деп қана көрсетілді. 2019-2020 жылдары "Бішкекжарық" кәсіпорыны бас директоры қызметін Абдылдаев Әлімбек Анарбекұлы басқарғаны мәлім. Арнайы қызмет ұсталған азаматтың Абдылдаев екенін ресми түрде растаған жоқ.
Ұсталған бұрынғы шенеунік ҰҚМК тергеу изоляторына түсті.