Ташкент қаласы Көлік бас басқармасының 15 желтоқсанда кешке хабарлауынша, 13 желтоқсанда президент Шавкат Мирзияев астанадағы 18-автобус паркінде болып, Ташкенттің көлік қызметін жетілдіруді тапсырған. Мемлекет басшысының сынынан соң қоғамдық көлік мәселесін шешу үшін мекемеаралық шұғыл штаб құрылған.
14 желтоқсанда астанаға 20 үлкен MAN A22 автобусы жеткізілді. 15 желтоқсанда жүз Isuzu шағын автобусы келді. Бұған қоса, ІІМ Ташкент автопаркіне тағы 30 Isuzu автобусын сыйлаған.
"Gazeta.uz" басылымының хабарлауынша, президенттің 2017 жылғы 1 желтоқсандағы жарлығына сәйкес, 2018 жылғы наурыздан бастап мүмкіндігі шектеулі жандарға ыңғайсыз қоғамдық көлік сатып алуға тыйым салынған.
"Isuzu мидибустары мүмкіндігі шектеулі жандарға ғана емес, ірі денелі адамдарға да ыңғайсыз", — деп жазды "Gazeta.uz".
16 желтоқсаннан бастап Ташкент қаласында бір мың автобус халыққа қызмет көрсетеді.