Нашр мақоласида журналистлар одатда “йил мамлакати”ни танлашда ўта қийин бўлиши, бироқ бу йил биринчи марта бунақа қийинчиликка дуч келмаганларини билдиришган.
2013 йилдан буён бериб келинаётган бу унвонга, таҳририят мулоҳазасича, йил бўйи энг катта натижаларга эришган мамлакат сазовор бўлади.
“Шу тариқа, Украина бу ерда бир маънода ғайриодатий танлов бўлиб ҳисобланади, чунки Владимир Путин февраль ойида бостириб кирганидан кейин кўпчилик украиналикларнинг турмуши сезиларли даражада ёмонлашди”, дея қайд этилган The Economist мақоласида.
Аввалроқ АҚШда чиқадиган Time журнали 2022 йилда Владимир Зеленский ва Украина руҳини, Financial Times газетаси эса президент Зеленскийни “йил одами” деб эълон қилган эди.
Айни пайтда Politico журнали бу йил Россия президенти Владимир Путинни “йилнинг омадсиз одами” деб топган.
The Economist журнали 2022 йилда Украинани “йил мамлакати” деб эълон қилиб, бунга мамлакатнинг “қаҳрамонлиги, топқирлиги ва бардошлилиги”ни сабаб ўлароқ келтирди.