Ссылки доступа

«Украина ҳеч қачон таслим бўлмайди. Биз ғалаба қозонамиз». Зеленский АҚШ Конгрессида нутқ сўзлади


Украина президенти Владимир Зеленский АҚШ Конгрессида нутқ сўзлади.

Биз ғолиб бўлдик, ҳисоб — чунки биз қўрқмаймиз. Россия зўравонлиги бизнинг устимиздан назоратни йўқотди. Россияликларнинг ўзлари эса фикрларининг Кремль томонидан назорат қилинишини енгганидан кейингина озод бўлиш имкониятини қўлга киритади. Бу жанг фақат ҳудудлар учун бўлаётгани йўқ — у бизнинг фарзандларимиз ва невараларимиз қандай дунёда яшашини белгилайди. Уни тўхтатиб қўйиб ҳам, кечиктириб ҳам бўлмайди.

Дунё ўзаро боғлиқлик жуда кучли, ҳеч ким четга чиқиб қололмайди. АҚШ қўшинлари 1944 йил Рождество арафасида нацистларга қарши жанг қилганди, энди эса бизнинг қўшинларимиз худди шу тарзда Россияга қарши курашмоқда. Украина дадил туриб бермоқда ва ҳеч қачон таслим бўлмайди. Биз америкалик аскарлар ўз ҳудудимизда бизнинг ўрнимизга жанг қилсин, деб ҳеч қачон сўрамаганмиз — украиналик ҳарбийларнинг ўзлари Америка танклари ва самолётларини бошқара олади. Аммо сизнинг молиявий кўмагингиз ҳам катта аҳамиятга эга. Бу хайрия эмас, балки глобал хавфсизлик ва демократия учун инвестициялардир.

Россия истаса, агрессияни тўхтатиши мумкин эди. Лекин у Кремль томонидан заҳарланган, ва ундан тинчликка томон қўйилган қадамларни кутиш соддалик бўлган бўларди. Россия уруш оқибатлари қанчалик оғир бўлишини ҳис қилиши учун санкцияларни кучайтиришингиз мумкин. Келинг, буни амалга оширамиз. Икки кундан кейин биз Рождествони шам ёруғлигида нишонлаймиз. Бу романтик бўлгани учун эмас, балки бизда электр токи бўлмагани учун. Лекин биз нолимаяпмиз. Қалбимиздаги ёруғликни сўндириб бўлмайди. Мен сизга мана шу байроқни ҳадя қиламан, уни бахмутлик ҳарбийлар бериб юборди. Биз курашишда давом этамиз ва ғолиб чиқамиз, чунки биз барчамиз ҳамжиҳатмиз. Худо бизнинг қуролли кучларимизни ўз паноҳида асрасин, Қўшма Штатларни асрасин. Рождество муборак. Украинага шон-шарафлар бўлсин.

Эслатиб ўтамиз, 21 декабрь куни Украина президенти Владимир Зеленский расмий ташриф билан Вашингтонга келди. Бу унинг Украинада уруш бошланганидан бери биринчи хорижий ташрифидир.

XS
SM
MD
LG