Владимир Путин мезбонлик қилиши кутилаётган саммитда, расмий маълумотларга кўра, Мустақил давлатлар ҳамдўстлигига аъзо мамлакатларнинг лидерлари иштирокида йил якунлари сарҳисоб қилиниши ва ўзаро ҳамкорликнинг устувор йўналишлари юзасидан фикр алмашиш назарда тутилган.
Сарҳисоб қилинажак йилнинг февраль ойи охирида Россия қўшинлари Украинага бостириб кирган. Украина Россия етовидаги МДҲ ташкилотидан 2018 йилнинг май ойидан бутунлай чиқиб кетган эди.
Ўзбекистон президенти Шавкат Мирзиёев 26−27 декабрь кунлари ўтказилиши кўзда тутилган МДҲ давлатлари раҳбарларининг норасмий саммитида иштирок этиш учун Россиянинг Санкт-Петербург шаҳрига жўнаб кетди. Бу ҳақда президент матбуот хизмати маълумот тарқатди.